हेल्प नेपाल नेटवर्क बालगृह धुलिखेलमा २०७१ साल भाद्र ८ गते देखि रहंदै आएकी र सञ्जवनी मा.वि. धुलिखेलमा कक्षा ९ मा अध्ययनरत छात्रा सृजना प्रजाको २०७९ मंसिर २३ गते भएको निधनले हामीलाई स्तब्ध बनाएको छ। चितवन निवासी मृदुभाषी श्री सृजना प्रजा अत्यन्त मिलनसार छात्रा थिइन ।

सृजनालाई धेरै समय देखि खुट्टा सम्बन्धि समस्या भैरहेको थियो, बालगृहबाट समय समयमा स्वास्थ्य जाँच र उपचार गराइएको थियो। त्यसैगरी विद्यालय जान आउन सवारी साधनको व्यवस्था पनि गराईएको थियोे । गत दशैँको बिदामा उनी घर गएकि थिइन केही दिन पछि उनको खुट्टा अचानक नचलेको कारण भरतपुर अस्पतालमा भर्ना गराइएको थियो। उपचार पछि घरमै केही महिना आराम गर्दै गरेकी उनको अल्पायुमा असामयिक निधन भएको छ।

यस दु:खद घडीमा मृत आत्माकाे चिर शान्तिकाे कामना गर्दै शाेक सन्तप्त परिवारजनमा हामि नेपाल नेटवर्क परिवार हार्दिक समवेदना प्रकट गर्दछाैँ ।