लण्डन। हेल्प नेपाल नेटवर्कद्वारा नेपालको धुलिखेल, काभ्रेमा संचालन भै रहेको बालगृहका बाल बालिकाहरूको सहयोगार्थ गैर आवासीय नेपाली संघ यूकेको इंग्ल्यान्ड राज्य समन्वय परिषदले एक च्यारिटी कार्यक्रम गर्न लागेको छ । साइकल राइड फर च्यारिटी (Cycle Ride for Charity ) नाम दिइएको उक्त कार्यक्रममा साइकल यात्रीहरुले दक्षिण पूर्वी लन्डनको  उलवीचबाट समुद्री तट ब्राइटनसम्म यात्रा गर्ने छन् ।

साइकल यात्रा आउंदो नोभेम्बर सात तारिख शनिबारका दिन बिहान १० बजे शुरु हुने छ।  एकतर्फि ६९ माईल दूरी रहेको यो साईकल यात्रामा लगभग ६ घण्टा समय लाग्नेछ । यात्राको क्रममा हेल्थ एण्ड सेफ्टी, मेन्टिनेन्स लगायतका कुराको जिम्मेवारी यस कार्यक्रमको संयोजन गरेका Woolwich Arsenal Riders Club (WARC) तथा क्लबका सदस्यहरू,  हेल्प नेपाल नेटवर्क यूकेका उपाध्यक्ष प्रसिद्ध प्रधान, कोषाध्यक्ष सचिन श्रेष्ठ, गैर आवासीय नेपाली संघ यूकेका महासचिव फडिन्द्र भट्टराई, खेलकूद संयोजक ह्यारी गुरूंग, क्याट यूकेका अध्यक्ष जीवन सेन,  नेपाली युथ एसोसिएशन यूकेका अध्यक्ष लक्षुमन गुरूंग तथा सुरज गुरूंग र अमिर श्रेष्ठले लिएका छन् ।

यस कार्यक्रमको सफलताका लागी सहयोगीको रूपमा गैर आवासीय नेपाली संघ यूके, हेल्प नेपाल नेटवर्क यूके र नेपाली युथ एसोसिएशन यूके रहेका छन्।

साइकल राइड फर च्यारिटीमा भाग लिन इच्छुक साईकल यात्रीहरूले भाग लिन WARC का सदस्य ह्यारी गुरूंग लाई 07769 343006 मा सम्पर्क गर्न सक्नुहुनेछ ।

धुलिखेलमा निर्मित बालगृहका विद्यार्थीहरूका लागी यस्तो प्यान्डेमिकको अवस्थामा नेपालीहरुको महान चाड दशैं, तिहारको  बेला “खाना पुगोस्, तातो लगाउन पुगोस्” भन्ने हेतुले यो कार्यक्रमको आयोजना गरिएको हो ।  संकलित रकमको केहि अंश  बुद्ध फाउण्डेसन यूकेद्वारा निर्माणाधीन अवस्थामा रहेको बृद्ध आश्रमलाई सहयोग गरिनेछ । यस पवित्र कार्यको लागि  यथासक्दो आर्थिक सहयोग गर्न तथा साईकल यात्रीहरूलाई शुभकामना दिन गैर आवासीय नेपाली संघ इंग्ल्यान्ड राज्य समन्वय परिषद यूकेका अध्यक्ष दीपक श्रेष्ठ तथा सचिव गोविन्द खरेलले आग्रह गरेका छन्।

साइकल राइड फर च्यारिटी कार्यक्रमलाई सफल बनाउन सहयोगका लागि इंग्ल्यान्ड राज्य समन्वय परिषदको  खेलकुद विभागका संयोजक तथा सह-कोषाध्यक्ष चन्दन गुरुङले पनि सबैलाई अनुरोध गरेका छन्।

परिषदको बैंक खाता केहि कारणबस नखुलिसकेकोले तत्कालका लागी बुद्ध फाउण्डेसन यूकेको खाता प्रयोग गर्न सहमति भएअनुसार निम्न लिखित बैंक खातामा सहयोग रकम जम्मा गरिदिन अनुरोध गरिएको छ।

Barclays Bank

20-57-76

A/c: 93183165

Ref: Cycling4Charity

जस्ट गिभिंगको यो लिंकमा गएर पनि सहयोग प्रदान गर्न सकिने हेल्प नेपाल नेटवर्क युकेले जनाएको छ।

https://www.justgiving.com/fundraising/woolwich-to-brighton-charity-bike-ride