स्रोत: राजधानी दैनिक (http://rajdhanidaily.com/2017/01/15/32158/)

राजविराज / रास, माघ २- धर्मीहल्फा महिला विकास क्लबले शनिबार जिल्लाको इटहरी विष्णुपुर गाविसको विपन्न बस्तीमा कम्बल वितरण गरेको छ। हेल्प नेपाल नेटवर्कको सहयोगमा १ सय २ गरिब, असहाय र चिसोपीडित परिवारलाई कम्बल वितरण गरिएको हो।

आफ्ना आमाबाबु धर्मी र हल्फाको स्मृति र सम्मानमा संस्था स्थापना गरी सामाजिक कार्यक्रममा अग्रसर इन्जिनियर यादव विभिन्न सामाजिक संघ संस्थासँग सहयोग लिएर विपन्न परिवारलाई राहत वितरण गर्दै आएका छन्।

विगत १० वर्षदेखि विशेष गरी आगलागी र चिसोपीडित विपन्न परिवारलाई क्लबले विभिन्न संस्थासँगको समन्वय र सहयोगमा राहत वितरण कार्यक्रमको आयोजना गर्दै आएको छ। सो संस्थाले विपन्न समुदायलाई लक्षित गरी आगामी १० माघदेखि छिन्नमस्ता गाविसमा दुई दिने निःशुल्क आँखा उपचार शिविरको आयोजना गर्ने जनाएको छ।